1. Aðalskipulag

Oddviti las bréf frá Skipulagsstofnun þar sem farið er fram á að skýrð verði nánar nokkur atriði í skipulaginu. Oddvita falið að hafa samband við Guðrúnu Jónsdóttur sem vann skipulagið fyrir Tjörneshrepp og vinna þessar lagfæringar í samráði við hana.

2. Félagsþjónusta

Skylt er að auglýsa eftir einstaklingum til að annast heimilisþrif og félagsþjónustu. Oddvita falið að auglýsa störfin á heimasíðu hreppsins og í Skránni í næstu viku. Umsóknarfrestur 2 vikur frá auglýsingu.

3. Kosning fjallskilastjóra

Kosningu hlaut Jón Heiðar Steinþórsson til næstu fjögurra ára.

4. Sólvangur – húsvarsla og þrif

Þrifin verða auglýst á heimasíðu hreppsins.

5. Laun og starfskjör

Laun oddvita: Mánaðarlaun 150.000,- og skrifstofukostnaður 40.000,- pr. mánuð. Laun v/ fundarsetu kr. 9000,- pr. fund. Bílastyrkur í samræmi við gjaldskrá sem skattstjóri gefur út.

6. Aðalfundir Dvalarheimilis aldraðra.og Atvinnuþróunarfélags Þingeyinga

Oddviti sat báða þessa fundi og sagði í stórum dráttum frá þeim. Fundargerðir berast síðar.

7. Minkaveiðar

Samningar eru lausir. Oddvita falið að kanna endurnýjun á samningum við Jón og Jóhann Gunnarssyni.

Oddviti hefur samið við Eyþór Björnsson um lagfæringar á veginum niður í fjöruna og verður verkið unnið innan tíðar.

Oddvita falið að útvega mann til að lagfæra girðinguna.

Fleira ekki bókað. Fundi slitið klukkan 17:15