Fundur var haldinn í sveitarstjórn Tjörneshrepps fimmtudaginn 29. september kl. 16.15. Oddviti setti fund, bauð fundarmenn velkomna og stjórnaði fundi. Allir sveitarstjórnarmenn voru mættir.

1. Húsaleigubætur:

Samþykkt að greiða húsaleigubætur til námsmanna samkvæmt reglugerð um húsaleigubætur nr. 378/2008.

2. Söltunarhús:

Borist hefur fyrirspurn um möguleg kaup á söltunarhúsinu við Tungulendingu. Oddvita falið að grennslast fyrir um afstöðu landeigenda til málsins.

3. VerkNaust:

Oddviti kynnti málefni sem verið hafa á dagskrá verkefnisstjórnar vegna atvinnuuppbyggingar á Norðausturlandi.

4. Tryggingar hreppsins:

Oddviti kynnti bréf frá Sjóvá, þar sem félagið óskar eftir að gera tilboð í tryggingar hjá sveitarfélaginu fyrir næstu endurnýjun. Samþykkt að leita tilboða hjá öllum stærstu tryggingafélögunum.

5. Bókhaldsmál:

Oddviti óskaði eftir heimild til að ráða aðstoðarmann við að færa bókhald hreppsins. Samþykkt var að verða við beiðninni.

6. Húsakönnun:

Oddviti upplýsti að Arnhildur Pálmadóttir, arkitekt, hafi verið ráðin til að framkvæma húsakönnun í hreppnum.

7. Bréf frá Kirkjukór Húsavíkur:

Oddviti kynnti bréf frá kórnum þar sem farið er fram á ferðastyrk vegna Reykjavíkurfarar. Samþykkt að styrkja kórinn um kr. 75.000,-

Fleira ekki bókað. Fundi slitið kl. 17:30.